mol

1. Sutemizuvchilar oilasiga mansub asosiy guruh uy hayvonlari (qoramol, yilqi, koʻy, echki, tuya va boshqalar); chorva.

1. Mol olasi tashida, odam olasi ichida. Maqol

2. Koʻksoyni yoqalab taqir chorva yoʻli oʻtgan. Choʻponlar bu yoʻldan bahorda tosha, kuzda qishloqqa mol haydaydilar. S. Anorboyev, Oqsoy

3. Bu-ku mol, terisi qalin, joni boʻsh qoʻy, echkilarimiz ham choʻp tishlab, tuproq yalab, qishni ochiq havoda oʻtkazishdi. Mushtum

2. koʻchma s. t. Did-fahmsiz, qoʻpol odamga nisbatan haqorat tarzida qoʻllanadi.

1. Juman pismiq, koʻzlarini javdiratganicha turaverdi. — Gapir, mol! — dedi mingboshi. M. Ismoiliy, Fargʻona t. o.

3. Bisotdagi buyum; mol, boylik.

1. Yigit moli yerda. Maqol

2. Bu kun kechasi Toshkent qon ichida hukumat kishilari xalq tomonidan oʻldiriladilar, uylariga oʻt qoʻyilib, mollari talonga tushadi. A. Qodiriy, Oʻtgan kunlar

4. Kelinning kiyim-kechaklari; sep.

1. Gapning sirasi shuki, qizning molini toʻlataman deb, otangiz bir oz qoqilib qoldilar. Mushtum

5. Sotiladigan narsa, buyum; tovar.

1. Baʼzi doʻkonlarda, yerdan shipga qadar qalangan mollar orasida oʻn ikki-oʻn uch yashar jajji bolalar oʻtiradi, savdo qiladi, choʻt qoqadi. Oybek, Tanlangan asarlar

2. Qorakoʻl teri deysizmi, ipak mol deysizmi — barini vagonlab sottirdim. J. Sharipov, Xorazm

6. s. t. Kiyim va boshqa narsa uchun ishlatiladigan mato.

1. Yaxshi moldan tikilgan kostyum.